Bu dəfə təqdim etdiyimiz mövzu Azərbaycan Respublikası(AR) vətəndaşlığının itirilməsi halları ilə bağlıdır. “Vətəndaşsızlığın ixtisar edilməsi haqqında” 1961-ci il 30 avqust tarixli Konvensiyanın müddəaları nəzərə alınmaqla, aşağıdakılar AR vətəndaşlığının itirilməsi üçün əsas hesab edilir:
- AR vətəndaşının digər dövlətin vətəndaşlığını könüllü əldə etməsi;
- AR vətəndaşının xarici dövlətin dövlət və ya bələdiyyə orqanlarında, yaxud silahlı qüvvələrində və ya digər silahlı birləşmələrində könüllü xidmət etməsi;
- AR vətəndaşının dövlətin təhlükəsizliyinə ciddi zərər vuran davranışı;
- AR vətəndaşlığını əldə etmiş şəxsin vətəndaşlığa qəbul olunmaq üçün zəruri olan məlumatı qəsdən saxtalaşdırması və ya saxta sənəd təqdim etməsi.
AR vətəndaşlığının itirilməsi məsələsi “AR vətəndaşlığı haqqında” Qanunun 17-ci maddəsinin ikinci və üçüncü hissələrində göstərilən məhdudiyyətlər nəzərə alınmaqla məhkəmə tərəfindən həll edilir.
